Gwefan llywodraeth y DU

Gwneud dewisiadau teithio

• Teithio yn y DU (adran teithio a thrafnidiaeth)

Teithio mewn awyren

Mae teithio mewn awyren yn cyfrannu'n gynyddol tuag at allyriadau CO2, ac ar hyn o bryd, mae'n achosi tua 6 y cant o gyfanswm allyriadau'r DU. Po bellaf rydych yn teithio, yn enwedig mewn awyren, y mwyaf yw'ch cyfraniad chi at y newid yn yr hinsawdd.

Os oes rhaid i chi hedfan, un dewis yw gwrthbwyso'r allyriadau carbon y bydd eich taith yn eu cynhyrchu trwy dalu am brosiectau sy'n lleihau allyriadau mewn mannau eraill.

• Gwrthbwyso carbon

• Teithio mewn awyren a'r amgylchedd

Teithio ar drên

Yn aml, mae dewis arall ar gael heblaw hedfan neu yrru, yn enwedig pan fyddwch yn mynd i ffwrdd am gyfnod hirach. Ar gyfartaledd, tua thraean o'r allyriadau CO2 o daith awyren ddomestig neu fer yn Ewrop a achosir wrth deithio'r un pellter ar drên.

Os ydych chi'n teithio i lethrau sgio Ewrop, mae dal trên yn aml mor gyfleus â dal awyren. Chwiliwch ar-lein am 'ganolfannau sgio y gellir teithio iddynt ar drên' i gael rhagor o wybodaeth.

• Gwybodaeth a chyngor am deithio ledled y byd ar drên ac ar y môr Opens new window

• Gwybodaeth ynghylch teithio ar drên ledled y byd Opens new window

Teithio mewn car

Os ydych yn gyrru i'ch man gwyliau, gall defnyddio technegau gyrru effeithlon helpu i leihau eich defnydd o danwydd, arbed arian a lleihau eich effaith ar yr amgylchedd. Hefyd, gallwch helpu drwy ddewis model mwy effeithlon wrth logi car ar eich gwyliau.

• Prynu a gyrru ceir mwy gwyrdd

Ar wyliau

Bydd cadw'r arferion da sydd gennych gartref ar gyfer arbed ynni a dŵr yn eich helpu i wneud eich gwyliau yn fwy gwyrdd:

• diffoddwch y gwres, y goleuadau a'r system awyru pan nad oes arnoch eu hangen
• ceisiwch beidio â gwastraffu dŵr – mae rhai gwledydd yn dioddef prinder dŵr a gall arbed dŵr helpu i leihau niwed i gynefinoedd naturiol

Mae manteisio i'r eithaf ar fwyd a diod sydd wedi'i gynhyrchu 'n lleol, ac ar weithgareddau ac atyniadau lleol, yn cefnogi pobl yr ardal rydych chi'n ymweld â hi. Mae hefyd yn lleihau pa mor bell rydych chi'n teithio gan leihau'r effaith a gewch ar yr amgylchedd.

Rhywogaethau dan fygythiad dramor

Gwneir rhai anrhegion a bwydydd mewn rhai gwledydd o blanhigion neu anifeiliaid sydd dan fygythiad, er enghraifft, croen anifeiliaid, ifori, tegeirian, cafiâr neu gwrel.

Gweler 'Cofroddion a rhywogaethau dan fygythiad' i gael gwybod beth y dylid ei osgoi ac i helpu i amddiffyn bywyd gwyllt y wlad rydych chi'n ymweld â hi.

• Cofroddion a rhywogaethau dan fygythiad (adran teithio a thrafnidiaeth)

Gwneud cyfraniad i'r ardal rydych chi'n ymweld â hi

Mae'n bosib y gall eich gwyliau helpu i gefnogi pobl leol a'r amgylchedd:

• mae rhai cwmniau'n trefnu gwyliau gyda'r bwriad o leihau'r effeithiau ar yr amgylchedd - er enghraifft, drwy ddefnyddio llety ynni isel neu drwy gynnig gweithgareddau sydd er budd i'r gymuned leol
• mae yna gynlluniau achredu dibynadwy ar gael ar gyfer llety gwyrdd, megis yr Ecolabel Ewropeaidd a'r 'Cynllun Busnes Twristiaeth Gwyrdd'
• ceir llawer o gyfleoedd i wirfoddoli a helpu gyda'r prosiectau sy'n gwarchod a gwella cynefinoedd (mannau byw) a gwarchodfeydd natur
• gallwch gefnogi prosiectau neu atyniadau sy'n gwarchod bywyd gwyllt, megis gwarchodfeydd natur a phrosiectau cadwraeth

• Cael gwybod mwy am yr Ecolabel Opens new window

• Cynllun Busnes Twristiaeth Gwyrdd Opens new window

• Natural England: dod o hyd i warchodfa natur genedlaethol Opens new window

• Dod o hyd i warchodfa adar RSPB Opens new window

• Dod o hyd i ganolfan ymwelwyr gwlypdiroedd Opens new window

Mwy o ddolenni defnyddiol

• Tourism Concern Opens new window