Gwefan llywodraeth y DU

Pa faterion y bydd angen i chi eu hystyried cyn penderfynu byw ar gwch?

Ni fydd byw ar gwch bob amser mor ddelfrydol ag y byddech yn ei ddisgwyl. Er ei fod, at ei gilydd, yn rhatach na byw mewn tŷ, mae 'na lawer o gostau ac ystyriaethau nad ydych o bosibl wedi'u hystyried. Bydd angen ichi feddwl am y canlynol:

• prynu'r cwch iawn
• dod o hyd i rywle i'w angori
• cael trwydded, Tystysgrif Diogelwch Cychod ac yswiriant
• gwaith cynnal a chadw ac atgyweirio
• y prif wasanaethau a chostau gwresogi

• Cymdeithas Perchnogion Cychod Preswyl Opens new window

• Canllawiau i gyw-gychwyr Opens new window

Cyngor ar brynu'r cwch iawn

Gallwch ystyried y pethau canlynol wrth ichi feddwl am brynu cwch:

• hysbysebir cychod gan froceriaid arbenigol ac unigolion preifat trwy dudalennau nifer o gylchgronau misol a gwefannau
• dylech sicrhau bod cwch yn cael arolygiad proffesiynol bob tro. Nid yw cychod yn codi mewn gwerth fel y mae brics a mortar
• ar gyfartaledd, gwerth cwch ar gamlas yw oddeutu £25,000. Gall cost y cychod newydd drutaf fod dros filiwn

• Waterscape - prynu cwch Opens new window

Dod o hyd i angorfa

Os nad ydych am aros yn yr un man, efallai y gallwch wneud heb angorfa gartref. Ar y dyfrffyrdd, a reolir gan amrywiaeth o awdurdodau mordwyo megis Asiantaeth yr Amgylchedd a Dyfrffyrdd Prydain, mae rheolau llym ar gyfer 'criwserau parhaus'. Rhaid i chi wirioneddol deithio o gwmpas y rhwydwaith, nid criwsio yn ôl ac ymlaen yn yr un ardal yn unig.

• Cysylltu â Dyfrffyrdd Prydain Opens new window

• Asiantaeth yr Amgylchedd Opens new window

• Berthfinder Opens new window

• Ble i angori'ch cwch Opens new window

Defnyddio ac angori cychod preswyl

Mae'n well gan y rhan fwyaf o bobl gael angorfa mewn marina gyda mynediad hwylus at wasanaethau dŵr, carthffosiaeth a gwaredu sbwriel. Yn gyffredinol, mae angorfeydd o'r fath ar gyfer cychod preswyl yn costio o leiaf £90 y metr y flwyddyn.

Mae angorfeydd rhatach a symlach gyda llai o gyfleusterau ar gael ar hyd y dyfrffyrdd. Does dim gwarchodaeth ffurfiol, ac fel arfer ni fyddwch yn gallu cael mynediad ar hyd ffordd i'ch cwch.

Mae cytundebau ar gyfer angorfeydd yn para am 12 mis fel arfer.

Bydd y ddolen/dolenni isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.

• Cael gwybod am ddefnyddio ac angori cychod preswyl Opens new window

Cael trwydded, Tystysgrif Diogelwch Cychod ac yswiriant

Os ydych yn berchen ar gwch, rhaid i chi wneud cais am drwydded, Tystysgrif Diogelwch Cychod ac yswiriant:

• cyhoeddir y drwydded gan yr awdurdod mordwyo. Cyfrifoldeb Dyfrffyrdd Prydain neu Asiantaeth yr Amgylchedd yw'r rhan fwyaf o'r dyfrffyrdd. Mae gan bob awdurdod system drwyddedu ar wahân
• mae'r dystysgrif diogelwch yn debyg i MOT ac yn para am bedair blynedd
• ar gyfer Dyfrffyrdd Prydain, rhaid i'ch cwch gael yswiriant ar gyfer unrhyw ddifrod y gallai'r cwch ei wneud i drydydd partïon

• Cysylltu â'ch swyddfa dyfrffyrdd leol Opens new window

• Y Cynllun Diogelwch Cychod Opens new window

• Cymdeithas Awdurdodau Mewndirol Mordwyaeth Opens new window

• Asiantaeth yr Amgylchedd - Gwybodaeth ddefnyddiol am ddefnyddio cwch Opens new window

Gwaith cynnal a chadw ac atgyweirio ar gychod

Ceir iardiau cychod o gwmpas y dyfrffyrdd a fydd yn fodlon gwneud gwaith i chi. Dylech gyllidebu ar gyfer codi'r cwch o'r dŵr unwaith bob tair blynedd er mwyn ei archwilio a gwneud gwaith cynnal a chadw ar gorff y llong.

Mwy o ddolenni defnyddiol

• Cadw’n ddiogel ac osgoi tân ar y dŵr (dogfen PDF, 340kb) Opens new window

• Cymorth gyda ffeiliau PDF