Gwefan llywodraeth y DU

Pwy all ei gael a faint y gallwch ei gael

Mae'r Taliad Tanwydd Gaeaf yn daliad di-dreth sy'n helpu pobl hŷn i gadw'n gynnes yn ystod y gaeaf. Mae'r llywodraeth yn ei ddarparu i'r rheini sy'n gymwys.

Pwy all ei gael yng ngaeaf 2012/2013

Os cawsoch eich geni ar 5 Ionawr 1951, neu cyn hynny, efallai y byddwch yn gymwys i'w gael. Nid yw'n cael ei roi ar sail prawf modd a gallwch ei gael os ydych yn dal i weithio neu'n hawlio budd-dal. Mewn rhai amgylchiadau efallai y gallwch ei gael os ydych yn byw yn yr Ardal Economaidd Ewropeaidd neu yn y Swistir.

Os cawsoch eich geni ar ôl 5 Ionawr 1951, mynnwch wybod pryd y byddwch yn gymwys i gael Taliad Tanwydd Gaeaf drwy ddilyn y ddolen ganlynol.

• Taliad Tanwydd Gaeaf - nid ydych wedi'i gael o'r blaen

Faint y gallwch ei gael

Mae faint o Daliad Tanwydd Gaeaf y gallwch ei gael yn dibynnu ar eich sefyllfa bersonol - mynnwch wybod faint y gallwch ei gael.

• Taliad Tanwydd Gaeaf - faint y gallwch ei gael a phryd y cewch eich talu

Rydych wedi cael Taliad Tanwydd Gaeaf o'r blaen

Os ydych wedi cael Taliad Tanwydd Gaeaf yn y gorffennol ac nad oes newid wedi bod yn eich amgylchiadau, nid oes angen i chi wneud cais arall. Dylech gael eich taliad yn awtomatig eleni.

• Taliad Tanwydd Gaeaf - rydych wedi'i gael o'r blaen

Os yw eich amgylchiadau wedi newid

Efallai y bydd angen i chi gymryd camau os yw eich sefyllfa wedi newid. Gweler y ddolen ganlynol i ganfod beth sydd angen i chi ei wneud nesaf.

• Taliad Tanwydd Gaeaf - beth i'w wneud os oes newid yn eich sefyllfa

Taliadau Tanwydd Gaeaf dramor

Os ydych yn byw mewn gwlad arall yn yr Ardal Economaidd Ewropeaidd neu’r Swistir neu wedi symud i fyw yno, efallai y gallwch gael y Taliad Tanwydd Gaeaf. Gweler y ddolen ganlynol am ragor o wybodaeth.

• Taliad Tanwydd Gaeaf - beth i'w wneud os oes newid yn eich sefyllfa

Nid ydych wedi cael Taliad Tanwydd Gaeaf o'r blaen

Os nad ydych wedi cael Taliad Tanwydd Gaeaf o'r blaen, bydd angen i chi ganfod a ydych yn gymwys i'w gael. Mae'n rhaid i hawliadau gyrraedd erbyn 31 Mawrth 2013.

Os yw eich partner yn cael Taliad Tanwydd Gaeaf ar hyn o bryd, ond nad ydych chi'n ei gael, bydd angen i chi ei hawlio.

Mynnwch wybod a allwch ei hawlio, sut mae ei hawlio a faint y gallwch ei gael. Mae gwybodaeth hefyd am bryd y byddwch yn cael eich talu, beth i'w wneud os bydd newid yn eich sefyllfa neu os ydych yn credu bod eich taliad yn anghywir.

• Taliad Tanwydd Gaeaf - nid ydych wedi'i gael o'r blaen

Taliad Tywydd Oer

Mae Taliadau Tywydd Oer yn wahanol i Daliadau Tanwydd Gaeaf. Gallwch gael un ar gyfer pob wythnos o dywydd oer iawn yn eich ardal. Gweler y ddolen ganlynol i ganfod pwy sy'n gymwys i gael Taliad Tywydd Oer.

• Taliad Tywydd Oer - mwy o wybodaeth