Gwefan llywodraeth y DU

Y pethau sylfaenol

Os nad ydych wedi gwneud cais am basbort cyfunol yn y gorffennol, sicrhewch eich bod wedi darllen 'Pasbort cyfunol a phwy gaiff ei ddefnyddio'.

• Pasbortau cyfunol a phwy gaiff eu defnyddio

Gwybodaeth am y ffurflen gais

Mae ffurflen gais benodol ar gyfer pasbortau cyfunol. Gallwch gael copi mewn tair ffordd. Gallwch:

• lwytho'r ffurflen gais am Basbort Cyfunol oddi ar y we fel PDF
• ffonio Llinell Gymorth Pasbortau y Gwasanaeth Hunaniaeth a Phasbortau ar 0300 222 0000 (ar agor rhwng 8.00 am a 8.00 pm o ddydd Llun i ddydd Gwener a rhwng 9.00 am ac 11.00 pm)
• anfon e-bost at y Swyddfa Basbort yn Durham sy'n delio â phasbortau cyfunol

Llenwi'r ffurflen ar-lein yw'r ffordd gyflymaf a mwyaf diogel o lenwi'r ffurflen. Dylech lenwi'r ffurflen ac yna ei chadw ar eich cyfrifiadur. Yna gallwch ei hanfon ar neges e-bost yn uniongyrchol i'r Swyddfa Basbort yn Durham. Os nad ydych am lenwi'r ffurflen nawr, gallwch gadw fersiwn gwag ohoni ar eich cyfrifiadur a'i llenwi nes ymlaen. Ni fydd y Gwasanaeth Hunaniaeth a Phasbortau yn derbyn ffurflenni electronig sydd wedi'u hargraffu a'u llenwi â llaw. Rhaid i chi lenwi'r ffurflen gais ar y sgrin cyn ei hargraffu.

Unwaith y byddwch wedi e-bostio eich ffurflen gais wedi'i chwblhau mae'n rhaid i chi hefyd argraffu copi papur ohoni. Dylai Arweinydd a Dirprwy Arweinydd eich grŵp lofnodi'r ffurflen. Mae'n rhaid i chi anfon y copi papur hwn o'r ffurflen gais i Durham ynghyd â'r ffi a'r dogfennau ategol. Gweler 'Dogfennau ategol ar gyfer pasbortau cyfunol' i gael y manylion llawn am hyn.

Dyma gyfeiriad e-bost Swyddfa Basbort Durham durhamcollectives@ips.gsi.gov.uk

• Llwytho’r ffurflen ‘Cais am Basbort Cyfunol’ oddi ar y we (DOC, 915K) Opens new window

• Dogfennau ategol ar gyfer pasbortau cyfunol

Llenwi'r ffurflen gais

Tudalen 1 y ffurflen

I lenwi'r ffurflen hon bydd angen i chi roi manylion am y canlynol:

• yr ysgol neu'r mudiad
• y daith
• enwau'r Arweinydd a'r Dirprwy Arweinydd fel y mae eu henwau'n ymddangos ar eu pasbort cyfredol

Mae'n rhaid i'r Arweinydd a'r Dirprwy Arweinydd lofnodi'r datganiad.

Tudalen 2 y ffurflen

Mae'n rhaid llenwi'r rhestr o aelodau'r parti mewn PRIFLYTHRENNAU gyda chyfenwau yn ôl trefn yr wyddor, gan gynnwys y canlynol gyda phob cofnod:

• enw cyntaf
• tref a gwlad enedigol (yn llawn, e.e. 'Stoke on Trent' nid 'Stoke', ond cewch dalfyrru enw'r wlad i'r 'DU' lle bo'n briodol)
• dyddiad geni
• tref breswylio (yn llawn)

Gallai'r enghraifft isod fod yn ddefnyddiol.

Pryd y dylech anfon y ffurflen gais ac i ble

Dylech anfon eich ffurflen gais o leiaf chwe wythnos cyn dyddiad eich taith.

Ar ôl ei llenwi, anfonwch eich ffurflen gais, y cardiau llun, y ffi a'r dogfennau ategol i:

Collective Passport Applications
Millburngate House
PO Box 302
Durham DH1 9ZL

Dim ond os byddwch wedi llenwi'r ffurflen gais yn gywir ac wedi darparu'r wybodaeth a'r dogfennau cywir y bydd y cyfnod prosesu o chwe wythnos yn berthnasol.

Gadewch fwy o amser ar gyfer fisas

Dylech sicrhau mwy o amser os bydd angen i chi wneud cais am fisa cyn i chi deithio. Dylech gysylltu â llysgenhadaeth neu is-genhadaeth y wlad rydych yn ymweld â hi i holi a oes angen fisas ar deithwyr ar basbortau cyfunol.

• Dod o hyd i lysgenadaethau tramor yn y DU Opens new window

Cysylltiadau defnyddiol

• Cyngor Teithio'r Swyddfa Dramor

• Gwasanaeth Hunaniaeth a Phasbortau