Gwefan llywodraeth y DU

Os ydych yn anghytuno â phenderfyniad budd-dal

Pan fydd y swyddfa fudd-daliadau yn anfon llythyr atoch am eu penderfyniad, os byddwch yn anghytuno, gallwch ofyn iddynt esbonio neu ailystyried y penderfyniad.

Os ydych yn anfodlon gyda phenderfyniad sydd wedi’i ailystyried gallwch apelio.

Gallwch ofyn am esboniad neu ailystyriaeth o bob penderfyniad, ond ni allwch apelio yn erbyn rhai penderfyniadau budd-dal.

Er enghraifft, ni allwch apelio yn erbyn penderfyniad ar:

• Benthyciadau Cyllidebu
• Grantiau Gofal Cymunedol
• Benthyciadau Argyfwng

Bydd y llythyr penderfyniad yn egluro os na ellir apelio.

Terfynau amser

Bydd gennych fis:

• ar ôl cael penderfyniad i ofyn am gael esboniad, ailystyried y penderfyniad neu apelio
• ar ôl derbyn penderfyniad sydd wedi'i ailystyried, i ddechrau apêl

Mae'n bosibl y derbynnir apêl hwyr os oes amgylchiadau arbennig wedi eich rhwystro rhag apelio mewn pryd, ond ni allwch wneud hyn os oes mwy na 13 mis wedi mynd heibio.

Sut i apelio

• Download 'Os credwch fod ein penderfyniad yn anghywir' (PDF, 1106K)

• Cymorth gyda ffeiliau PDF

• Cysylltu â'r Ganolfan Byd Gwaith

Ond os ydych yn apelio yn yr achosion canlyno, dilynwch y drefn isod:

Cynhaliaeth Plant

Os byddwch yn anghytuno â phenderfyniad gan yr Asiantaeth Cynnal Plant (CSA), gallwch gysylltu â'r ganolfan CSA a wnaeth y penderfyniad. (Bydd eu manylion cyswllt ar y llythyr sy'n esbonio'r penderfyniad.)

Os ydych yn anfodlon gyda’r canlyniad, gallwch ysgrifennu at Uned Apeliadau Canolog y CSA.

Cael gwybod mwy am beth i'w wneud os nad ydych yn cytuno â phenderfyniad a wnaed gan y CSA gan ddefnyddio'r ddolen ganlynol.

• Os ydych yn anghytuno gyda phenderfyniad CSA (adran rhieni)

Budd-dal Tai a Budd-dal Treth Cyngor

Eich cyngor lleol sy'n delio â'r budd-daliadau hyn, felly fel arfer byddwch yn cysylltu â’ch swyddfa cyngor lleol i holi am eu penderfyniad a dilyn eu trefn apelio.

Dilynwch y dolenni isod at wefan eich awdurdod lleol er mwyn cael gwybod mwy.

• Apelio yn erbyn penderfyniad am Fudd-dal Treth Cyngor Opens new window

• Apelio yn erbyn penderfyniad Budd-dal Tai Opens new window

Budd-daliadau i bobl anabl

Os oes gennych unrhyw ymholiadau am Lwfans Byw i'r Anabl neu Lwfans Gweini, ffoniwch y Llinell Gymorth Lwfans Byw i'r Anabl a Lwfans Gweini, 08457 123 456, ffôn testun 08457 224 433 (rhwng 7.30am a 6.30pm, o ddydd Llun i ddydd Gwener).

Os ydych yn anfodlon gyda'r canlyniadau, efallai y gallwch apelio gan ddefnyddio taflen yr Adran Gwaith a Phensiynau 'Os credwch fod ein penderfyniad yn anghywir'.

• Download 'Os credwch fod ein penderfyniad yn anghywir' (PDF, 1106K)

• Cymorth gyda ffeiliau PDF

Credydau treth

Cyllid a Thollau EM sy'n gwneud penderfyniadau am gredydau treth.

Gallwch lawrlwytho'r ffurflen apelio ar-lein neu gallwch ffonio llinell gymorth Credydau Treth.

• Lawrlwythwch ‘ffurflen apelio credydau treth’ (PDF, 111K) Opens new window

• Cymorth gyda ffeiliau PDF

• Llinell gymorth credydau treth – manylion cyswllt

Budd-dal Plant a Lwfans Gwarcheidwad

Mae Cyllid a Thollau EM hefyd yn delio â'r budd-daliadau hyn, ac mae ffurflenni apelio ar gael ar-lein neu drwy ffonio'r llinell gymorth Budd-dal Plant.

• Lawrlwythwch ‘ffurflen apelio Budd-dal Plant a Lwfans Gwarcheidwad’ (PDF, 36K) Opens new window

• Cymorth gyda ffeiliau PDF

• Llinell gymorth Budd-dal Plant – manylion cyswllt

Tribiwnlys Apeliadau Nawdd Cymdeithasol a Chynnal Plant

Gall y Tribiwnlys Haen Gyntaf (Nawdd Cymdeithasol a Chynnal Plant) egluro'r drefn a'ch helpu drwy'r broses apelio.

Gallwch hefyd archebu taflenni gwybodaeth drwy'r Llinell Taflenni Cwsmeriaid ar 08700 852 611, typetalk 18001 08700 852 611. Codir cyfradd leol am alwadau.

• Tribiwinlys Apeliadau Nawdd Cymdeithasol a Chynnal Plant Opens new window

Pwy sy'n gwrando'r apêl?

Tribiwnlys fydd yn gwrando'r apêl; panel o hyd at dri aelod, gydag un ohonynt yn gymwys yn gyfreithiol.

Ceir dau fath o wrandawiad tribiwnlys:

Cyngor a help gyda'ch apêl

Bydd rhai sefydliadau'n cynnig help a chyngor (rhai ohonynt am ddim) gyda'ch apêl, gan gynnwys:

Bydd CAB yn eich helpu i lenwi ffurflenni ac mae'n bosibl y byddant yn fodlon dod i'r gwrandawiad gyda chi. Neu, gofynnwch i gynghorydd, cyfaill neu aelod o'r teulu apelio ar eich rhan.

• Mwy am y ganolfan Cyngor ar Bopeth Opens new window

Cymorth ariannol

Gallech hawlio rhywfaint o gostau teithio am fynd i dribiwnlys. Ni allwch hawlio am gostau cyfreithiol a ffioedd cyfreithwyr - hyd yn oed os byddwch yn ennill.

Os byddwch yn colli’r apêl

Os byddwch yn anghytuno â phenderfyniad y tribiwnlys, dim ond dan yr amgylchiadau canlynol y cewch ei herio:

Ond os credwch fod y tribiwnlys wedi gwneud camgymeriad wrth roi'r gyfraith ar waith, gallwch ofyn am ganiatâd i apelio i Uwch Dribiwnlys.

• Uwch Dribiwnlys Siambr Apeliadau Gweinyddol (UTAAC) Opens new window