Gwefan llywodraeth y DU

Peiriannau amaethyddol

Gellir trethu’r cerbydau canlynol yn y dosbarth treth ‘peiriant amaethyddol’:

Tractor amaethyddol

Tractor a ddefnyddir ar ffyrdd cyhoeddus ar gyfer y gweithgareddau canlynol yn unig:

• at ddibenion amaethyddiaeth, garddwriaeth neu goedwigaeth
• torri lleiniau glas sy’n ffinio â ffyrdd cyhoeddus
• torri gwrychoedd neu goed sy’n ffinio â ffyrdd cyhoeddus neu'n ffinio â lleiniau glas sy'n ffinio â ffyrdd cyhoeddus

Tractor oddi ar y ffordd

Tractor nad yw’n dractor amaethyddol:

• sydd wedi’i gynllunio a'i adeiladu i’w ddefnyddio’n bennaf oddi ar y ffordd
• nad yw’n gallu, oherwydd ei wneuthuriad, fynd yn gyflymach na 25 milltir yr awr ar y gwastad dan ei bŵer ei hun

Peiriant amaethyddol

Peiriant:

• sydd wedi'i gynllunio'n arbennig neu wedi'i addasu’n barhaol i gyflawni tasg amaethyddol ar y tir (ee dyrnwr medi)
• nad yw’n gallu cael ei ddefnyddio ar y ffordd at unrhyw ddiben arall ac eithrio mynd yn ôl ac ymlaen i’r safle o weithredu amaethyddol

Cerbyd amaethyddol ysgafn

Cerbyd:

• sy’n pwyso llai na 1,000kg
• sydd wedi'i gynllunio a’i adeiladu i roi lle i’r gyrrwr yn unig eistedd
• sydd wedi’i gynllunio a'i adeiladu i’w ddefnyddio’n bennaf oddi ar y ffordd
• sy’n cael ei ddefnyddio at ddibenion sy’n gysylltiedig ag amaethyddiaeth, garddwriaeth neu goedwigaeth yn unig

Cerbydau â defnydd cyfyngedig

Gallwch drethu’ch cerbyd yn y dosbarth treth 'defnydd cyfyngedig’ os yw’n cael ei ddefnyddio at ddibenion amaethyddiaeth, garddwriaeth neu goedwigaeth yn unig ac:

• ond yn cael ei ddefnyddio ar ffyrdd cyhoeddus wrth deithio rhwng dau ddarn o dir sy’n eiddo i’r un unigolyn
• os nad yw’n teithio ddim pellach na 1.5 cilomedr ar ffyrdd cyhoeddus wrth deithio rhwng dau le o’r fath

Sut i drethu’ch cerbyd yn y dosbarth treth ‘cerbydau wedi'u heithrio’

Gallwch newid i'r dosbarth treth cerbydau wedi'u heithrio yn eich swyddfa Asiantaeth Trwyddedu Gyrwyr a Cherbydau (DVLA) leol agosaf.

• Sut i drethu’ch cerbyd heb ffurflen atgoffa

Adnewyddu eich disg treth ‘dim treth’

Bydd DVLA yn anfon nodyn atoch yn eich atgoffa i wneud hyn bob blwyddyn.

• Sut i drethu’ch cerbyd gyda ffurflen atgoffa