Gwefan llywodraeth y DU

Map o ardaloedd gwasanaethau

Er mwyn eich helpu i gynllunio’ch taith, gallwch lwytho map oddi ar y we sy’n dangos lleoliad ardaloedd gwasanaethau yn Lloegr.

• Download 'Motorway services in England' (PDF, 570K)

• Cymorth gyda ffeiliau PDF

Beth sy'n debygol o fod mewn ardal wasanaethau

Bydd y cyfleusterau a fydd ar gael yn dibynnu ar p’un ai ydych yn cael hoe yn:

• ardal gwasanaethau traffordd
• ardal orffwys ar draffordd
• ardal gwasanaethau cefnffordd wedi’i harwyddo

Ardaloedd gwasanaethau traffordd

Dylai ardal gwasanaethau traffordd fod ar agor 24 awr y dydd, pob dydd o’r flwyddyn, a dylent ddarparu’r canlynol:

• maes parcio tymor byr ar gyfer pob math o gerbyd, a hynny am ddim
• toiledau, cyfleusterau golchi dwylo a chyfleusterau newid clytiau babanod – i gyd am ddim
• tanwydd
• mynediad am hyd at ddwy awr ar gyfer unrhyw un sy’n trwsio’i gerbyd mewn argyfwng
• ffôn talu
• mynediad at yr holl gyfleusterau i bobl anabl

Ardaloedd gorffwys ar draffordd

Dylai ardaloedd gorffwys ar draffordd ddarparu:

• maes parcio tymor byr ar gyfer pob math o gerbyd, a hynny am ddim
• toiledau, cyfleusterau golchi dwylo a chyfleusterau newid clytiau babanod – i gyd am ddim
• mynediad am hyd at ddwy awr ar gyfer unrhyw un sy’n trwsio’i gerbyd mewn argyfwng
• ffôn talu
• mynediad at yr holl gyfleusterau i bobl anabl

Ardaloedd gwasanaethau cefnffordd wedi'u harwyddo

Cefnffyrdd yw’r ffyrdd strategol pwysicaf yn y wlad. Dylai unrhyw ardal wasanaethau sydd wedi'i harwyddo o gefnffordd fod ar agor rhwng 8.00 am ac 8.00 pm bob dydd, heblaw am y canlynol:

• Dydd Nadolig
• Gŵyl San Steffan
• Dydd Calan

Dylai ddarparu'r canlynol:

• tanwydd
• maes parcio tymor byr (isafswm o ddwy awr) am ddim
• defnydd rhad ac am ddim o doiled a chyfleusterau golchi dwylo, ni waeth a ydych chi'n prynu rhywbeth ai peidio
• mynediad at yr holl gyfleusterau i bobl anabl

Pwyntiau Gwybodaeth yr Asiantaeth Priffyrdd

Mae Pwyntiau Gwybodaeth yr Asiantaeth Priffyrdd yn cael crynodebau yn uniongyrchol o Ganolfan Rheoli Traffig Genedlaethol Lloegr sy’n rhoi'r manylion diweddaraf i chi ynghylch traffig ac amserau teithiau.

Caiff yr wybodaeth fyw am draffig ei harddangos ar sgriniau mawr mewn lleoliadau cyhoeddus ar y rhwydwaith draffyrdd yn Lloegr, neu gerllaw, gan gynnwys ardaloedd gwasanaethau.

I gael rhagor o wybodaeth a rhestr o leoliadau Pwyntiau Gwybodaeth yr Asiantaeth Priffyrdd gweler 'Cael gwybodaeth am draffig pan fyddwch ar grwydr’.

• Cael gwybodaeth am draffig pan fyddwch ar grwydr

Cysylltiadau defnyddiol

• Yr Adran Drafnidiaeth

• Transport for London (TfL)