Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Moduro

Cyfnewid eich trwydded yrru bapur am drwydded cerdyn-llun

Nid yw'r Asiantaeth Trwyddedu Gyrwyr a Cherbydau (DVLA) yn rhoi trwyddedau gyrru papur erbyn hyn. Mae gan yr Undeb Ewropeaidd gyfarwyddeb sy'n mynnu bod pob aelod wladwriaeth yn rhoi trwyddedau gyrru ar ffurf cerdyn, a hwnnw'n dangos llun a llofnod deilydd y drwydded.

Manteision cerdyn-llun

Mae nifer o fanteision i'r trwyddedau gyrru cerdyn-llun:

ffurf ddiogel sy'n lleihau'r siawns o roi gwybodaeth gamarweiniol
sicrhau mai'r un person yw'r sawl sy'n cael trwydded dros dro, yn sefyll y prawf ac yn cael trwydded yrru lawn
sicrhau bod yr unigolyn sy'n cael trwydded yn y grŵp oed iawn
lleihau'r posibilrwydd bod gan berson fwy nag un drwydded, naill ai drwy ddamwain neu'n fwriadol
sicrhau bod cronfa ddata'r DVLA yn fwy cywir ac y bydd yn ei thro'n gallu darparu gwell gwybodaeth i'r heddlu a'r llysoedd

Gwneud cais ar-lein

Gallwch gyfnewid eich trwydded yrru bapur am drwydded yrru cerdyn-llun drwy ddefnyddio gwasanaeth ar-lein diogel y DVLA.

Gwneud cais ar-lein i gyfnewid eich trwydded bapur am drwydded cerdyn-llun

Gwneud cais yn bersonol neu drwy’r post

Bydd angen i chi wneud y canlynol:

llenwi'r ffurflen ‘cais am drwydded yrru’ (D1), sydd ar gael gan wasanaeth archebu ffurflenni DVLA ac o ganghennau Swyddfa'r Post®
darparu dogfennau gwreiddiol yn cadarnhau pwy ydych chi
anfon llun o fath pasport
cynnwys y ffi, sef £20.00
anfon eich holl ddogfennau i DVLA, Abertawe, SA99 1BU neu ddefnyddio'r gwasanaeth gwirio premiwm sydd ar gael mewn rhai canghennau Swyddfa'r Post®, neu o swyddfeydd DVLA lleol

Gwasanaeth archebu ffurflenni'r DVLA Opens new window

Dogfennau adnabod a'r gofynion ar gyfer y llun

Gwasanaeth gwirio premiwm

Pryd fydd eich trwydded yn cyrraedd

Nod y DVLA yw sicrhau eich bod yn derbyn eich trwydded yrru o fewn tair wythnos i dderbyn eich cais. Bydd yn cymryd mwy o amser os oes rhaid archwilio cyflwr eich iechyd a'ch manylion personol. Gadewch o leiaf tair wythnos i’ch trwydded yrru gyrraedd cyn cysylltu â’r DVLA.

Pan fyddwch yn derbyn eich trwydded, bydd sawl nodwedd newydd arni o ran diogelwch. Un o'r prif newidiadau ar y drwydded fydd y llun du a gwyn ohonoch a grëir gan laser.

Egluro'r drwydded yrru cerdyn-llun a rhan bapur

Gyrru cyn i'ch trwydded gael ei dychwelyd

Cewch yrru cyn cael eich trwydded, cyn belled â bod y canlynol yn wir:

mae gennych drwydded Gwledydd Prydain neu drwydded Gogledd Iwerddon, neu drwydded gyfnewid arall, a honno gennych er 1 Ionawr 1976
nid ydych wedi'ch gwahardd rhag gyrru
nid ydych wedi cael eich gwrthod trwydded yrru am resymau meddygol neu am fethu â chydymffurfio ag ymholiadau meddygol
ni fyddwch yn cael eich gwrthod trwydded am resymau meddygol (os oes gennych amheuaeth, holwch eich meddyg)
rydych yn bodloni unrhyw amodau arbennig sy’n berthnasol i'r drwydded