Gwefan llywodraeth y DU

Trefnu eich prawf theori a chithau gydag anghenion arbennig

Mae’r Asiantaeth yn darparu nifer o gyfleusterau i chi os oes gennych chi anghenion arbennig.

Dylech roi gwybod i’r Asiantaeth am eich anghenion arbennig pan fyddwch chi'n trefnu'r prawf theori.

• Sut mae trefnu prawf theori a phrawf ymarferol

• Ffioedd profion gyrru

Sefyll prawf theori gyda throslais mewn gwahanol ieithoedd

Gallwch ofyn am gyfleuster trosleisio mewn un o 21 iaith:

• os nad Saesneg yw eich iaith gyntaf
• os nad ydych chi’n gallu darllen na deall Saesneg ysgrifenedig yn dda

Sut mae’r cyfleuster trosleisio’n gweithio

Bydd y cyfleuster trosleisio yn eich galluogi i glywed cyfarwyddiadau a chwestiynau'r prawf theori drwy glustffonau.

Bydd y cwestiynau’n cael eu darllen i chi’n awtomatig. Bydd modd i chi glywed yr atebion posib drwy glicio ar y testun ar y sgrin.

Gallwch glywed y cwestiynau cynifer o weithiau ag y dymunwch drwy glicio ar y cwestiwn unwaith eto.

Ieithoedd trosleisio sydd ar gael ar gyfer profion theori

Mae’r cyfleuster trosleisio ar gael yn yr ieithoedd canlynol:

• Albaneg
• Arabeg
• Bengaleg
• Cantoneg
• Cwrdeg
• Welsh
• Dari
• Ffarsi
• Gwjarati
• Hindi
• Kashmiri
• Mirpuri
• Portiwgaleg
• Pushto
• Pwnjabeg
• Pwyleg
• Saesneg
• Sbaeneg
• Tamil
• Tyrceg
• Wrdw

Profion theori gyda chymorth cyfieithydd

Os nad oes cyfleuster trosleisio ar gael yn eich dewis iaith, gallwch ofyn am gael prawf theori gyda chymorth cyfieithydd.

Gall yr asiant yn y ganolfan alw roi enwau a manylion cyswllt cyfieithwyr cymeradwy'r Asiantaeth i chi.

Mae’n rhaid i chi drefnu dyddiad gyda’r cyfieithydd, a thalu ei ffioedd.

• Yr Asiantaeth Safonau Gyrru – ymholiadau am brofion theori

Cyfleusterau os oes gennych chi anawsterau darllen

Os oes gennych chi ddyslecsia neu anawsterau darllen eraill, fe allwch chi ofyn am droslais Welsh neu Saesneg.

Fe allwch chi hefyd wneud cais i gael hyd at ddwywaith yr amser ar gyfer rhan amlddewis y prawf theori. Os oes arnoch angen mwy o amser na’r amser arferol, mae’n rhaid i chi anfon tystiolaeth o'ch anawsterau darllen i’r adran gwasanaethau cwsmeriaid sy’n ymdrin ag archebu profion theori.

• Yr Asiantaeth Safonau Gyrru – ymholiadau am brofion theori

Cyfleusterau os oes gennych chi anawsterau clywed

Os ydych chi'n fyddar neu'n drwm eich clyw, fe allwch chi ofyn am gael sefyll y prawf theori yn iaith arwyddion Prydain.

Bydd y dehongliad iaith arwyddion yn cydredeg â chwestiynau ac atebion safonol y prawf.

Os nad ydych chi’n defnyddio Iaith Arwyddion Prydain, gallwch fynd â chyfieithydd i’r ganolfan brawf gyda chi. Mae angen trefnu hyn drwy’r adran gwasanaethau cwsmeriaid sy’n ymdrin ag archebu profion theori.

Ni chodir unrhyw dâl ychwanegol am y cais hwn.

• Yr Asiantaeth Safonau Gyrru – ymholiadau am brofion theori

Sefyll y prawf theori os oes gennych chi anghenion arbennig

Os oes gennych anghenion arbennig, ond na fyddai’r cyfleusterau hyn yn eich helpu, cysylltwch â’r Asiantaeth Safonau Gyrru. Yna, gallwch sôn wrth yr Asiantaeth am eich anghenion a chael gwybod am y cyfleusterau eraill a allai fod ar gael i chi.

• Yr Asiantaeth Safonau Gyrru – ymholiadau am brofion theori

Mwy o ddolenni defnyddiol

• Ffioedd profion gyrru

• Tanysgrifio i gael hysbysiadau dros e-bost gan yr Asiantaeth Safonau Gyrru