Gwefan llywodraeth y DU

Faint fydd eich pasbort yn ei gostio

Mae'r Gwasanaeth Hunaniaeth a Phasbortau'n argymell gwasanaeth Gwirio ac Anfon Swyddfa'r Post. Yn ogystal â'r ffi a nodir ar gyfer y ‘gwasanaeth arferol’, bydd yn rhaid i chi dalu ffi weinyddol i Swyddfa'r Post.

Ar hyn o bryd, £8.75 yw'r ffi weinyddol hon. (Os cawsoch eich geni ar 2 Medi 1929 neu cyn hynny, ni fydd yn rhaid i chi dalu’r ffi hon.)

O 3 Medi 2012, cafodd y pris cyfartalog am basbort ei leihau gan £5.00.

	Gwasanaeth arferol drwy’r post (sy’n ymdrechu i ddychwelyd eich pasbort o fewn tair wythnos – nid yw hynny wedi’i warantu)	Gwasanaeth wythnos Trac Cyflym	Gwasanaeth undydd Premiwm
Oedolion (16 oed a hŷn)
Adnewyddu neu ddiwygio pasbort oedolyn presennol	£72.50	£103.00	£128.00
Pasbort oedolyn cyntaf os ydych eisoes wedi dal pasbort plentyn a gyhoeddwyd yn y DU	£72.50	£103.00	£128.00
Pasbort oedolyn cyntaf – os nad ydych erioed wedi dal pasbort plentyn a gyhoeddwyd yn y DU	£72.50	Amh.	Amh.
Cael pasbort oedolyn newydd yn lle un sydd ar goll, wedi'i ddwyn neu wedi'i ddifrodi	£72.50	£103.00	Amh.
Ymestyn pasbort oedolyn â dilysrwydd cyfyngedig, a gyhoeddwyd ar 1 Mai 2008 neu ar ôl hynny*	£72.50	£103.00	Amh.
Pasbort mawr (48 tudalen)	£85.50	£111.00	£137.00**
Plant (dan 16 oed)
Pasbort plentyn cyntaf (gan gynnwys y rheini a oedd ar basbort rhiant)	£46.00	£87.00	Amh.
Adnewyddu neu ddiwygio pasbort plentyn presennol	£46.00	£87.00	£106.50
Cael pasbort plentyn newydd yn lle un sydd ar goll, wedi'i ddwyn neu wedi'i ddifrodi	£46.00	£87.00	Amh.
Ymestyn pasbort plentyn â dilysrwydd cyfyngedig, a gyhoeddwyd ar 1 Mai 2008 neu ar ôl hynny*	£46.00	£87.00	Amh.
Oedolion a aned ar 2 Medi 1929 neu cyn hynny
Pasbort safonol deng mlynedd, 32 tudalen	Am ddim	£30.50	£55.50

* Mae ymestyn pasbort oedolyn neu blentyn sydd â dilysrwydd cyfyngedig, a gyhoeddwyd cyn 1 Mai 2008, am ddim.
** Ar gael wrth adnewyddu pasbort presennol (arferol neu fawr) yn unig.

• Amserlen ar gyfer ceisiadau am basbort

• Adnewyddu neu ymestyn eich pasbort oedolyn

• Gwneud cais am eich pasbort oedolyn cyntaf

• Cael pasbort newydd yn lle un sydd ar goll, wedi'i ddwyn neu wedi'i ddifrodi

• Gwneud cais am basbort plentyn newydd neu i adnewyddu un

Postio a Chludiant Diogel

Mae'r ffi pasbort yn cynnwys anfon eich pasbort newydd drwy Gludiant Diogel (Secure Delivery) a dychwelyd eich dogfennau ategol drwy bost ail ddosbarth y Post Brenhinol.

Gall y Gwasanaeth Hunaniaeth a Phasbortau hefyd ddychwelyd eich dogfennau ategol drwy Gludiant Diogel am ffi ychwanegol o £3.00.

Os ydych am i’ch dogfennau ategol gael eu hanfon yn ôl drwy Gludiant Diogel, dylech ychwanegu £3.00 at y ffioedd a ddangosir yn y tabl pan fyddwch yn gwneud eich taliad.

Ni fydd yn rhaid i chi dalu’r £3.00 ychwanegol:

• os byddwch yn adnewyddu eich pasbort am basbort mawr 48 tudalen
• os cawsoch eich geni ar 2 Medi 1929 neu cyn hynny

Ni fydd y Gwasanaeth Hunaniaeth a Phasbortau yn talu am unrhyw golled neu oedi a berir gan wasanaethau’r Post Brenhinol.

Sut mae talu

Sut mae gwneud cais	A yw cardiau debyd/credyd yn cael eu derbyn?	A yw sieciau/archebion post yn cael eu derbyn?	A yw arian parod yn cael ei dderbyn?
Defnyddio gwasanaeth Gwirio ac Anfon Swyddfa'r Post	ydyn	archeb bost yn unig yn daladwy i ‘Post Office Ltd’	ydy
Drwy'r post	ydyn – dylech lenwi’r ffurflen yn y pecyn ymgeisio	ydyn, yn daladwy i ‘Identity and Passport Service’	nac ydy
Yn bersonol mewn Canolfan Gwasanaethau Cwsmeriaid y Gwasanaeth Hunaniaeth a Phasbortau	ydyn	archeb bost yn unig yn daladwy i ‘Identity and Passport Service’	ydy

Hawlio ad-daliad o ffi’r gwasanaeth Premiwm neu Drac Cyflym

Os byddwch yn talu am y gwasanaeth Premiwm neu Drac Cyflym, ond na fydd eich cais yn cael ei brosesu o fewn yr amser a nodir, gallwch hawlio ad-daliad. Caiff y ffi ar gyfer y gwasanaeth ychwanegol ei had-dalu – ond nid y ffi pasbort safonol. Fodd bynnag, ni fydd y Gwasanaeth Hunaniaeth a Phasbortau yn ad-dalu’r ffi os na chafodd eich cais ei brosesu o fewn yr amser a nodwyd o ganlyniad i amgylchiadau y tu hwnt i'w reolaeth resymol. Er enghraifft, mewn rhai achosion, efallai y bydd angen amser ychwanegol ar y Gwasanaeth Hunaniaeth a Phasbortau er mwyn asesu eich cais. Bydd hyn er mwyn cadarnhau manylion yr ydych wedi’u rhoi a chysylltu â’ch adlofnodwr.

Gallwch chi hefyd hawlio ad-daliad os gwnaethoch gais am ffi'r gwasanaeth Premiwm neu Drac Cyflym am y rhesymau canlynol:

• am fod angen i chi deithio ar frys o ganlyniad i farwolaeth neu salwch difrifol aelod o'r teulu, ffrind neu bartner busnes
• am eich bod yn teithio dramor i gael triniaeth feddygol
• am eich bod yn ddifrifol wael, neu'n gofalu am rywun sy'n ddifrifol wael, a bod eich taith wedi'i threfnu gan fudiad elusennol/crefyddol

Dylech dalu’r ffi yn llawn, yna hawlio ad-daliad o ffi'r gwasanaeth Premiwm neu Drac Cyflym. Bydd y Gwasanaeth Hunaniaeth a Phasbortau yn asesu pob cais am ad-daliad yn unol â'i feini prawf ei hun.

Dilynwch y ddolen isod i lwytho ffurflen Hawlio Ad-daliad oddi ar y we. Os nad oes gennych chi argraffydd, gallwch ffonio’r Llinell Gymorth Pasbortau ar 0300 222 0000 i ofyn am gopi o’r ffurflen. Cofiwch ddarllen y nodiadau a ddaw gyda’r ffurflen, a llenwi pob adran. Yna, anfonwch y ffurflen at Reolwr Gwasanaethau Cwsmeriaid y Ganolfan Gwasanaethau Cwsmeriaid Gwasanaeth Hunaniaeth a Phasbortau lle gwnaethoch eich cais.

• Download ‘Ffurflen hawlio ad-daliad o ffi’r gwasanaeth Premiwm a Thrac Cyflym’ (PDF, 46K)

• Cymorth gyda ffeiliau PDF

Beth mae'r ffi yn ei gynnwys

Nid yw’r Gwasanaeth Hunaniaeth a Phasbortau’n gwneud elw. Mae’r ffioedd pasbort yn talu am gostau darparu gwasanaethau pasbort yn y DU. Gelwir rhan o’r ffi yn ‘bremiwm is-genhadaeth’. Mae'n talu am y costau o ddarparu'r cymorth sydd ar gael gan is-genhadon i ddinasyddion Prydeinig sy'n canfod eu hunain mewn trafferthion dramor.

• Is-genadaethau a llysgenadaethau

Mwy o ddolenni defnyddiol

• Rhestr wirio derfynol ar gyfer ceisiadau am basbort

• Canllaw cyflym i lenwi'r ffurflen gais am basbort

• Gwasanaeth Gwirio ac Anfon Swyddfa'r Post

Cysylltiadau defnyddiol

• Cyngor Teithio'r Swyddfa Dramor

• Gwasanaeth Hunaniaeth a Phasbortau