Gwefan llywodraeth y DU

Bod yn barod am dywydd gwael

Sicrhewch na chewch eich dal allan pan fydd tywydd garw’n dod.

Rhoi gwasanaeth i’ch cerbyd

Gallwch leihau’r siawns y bydd eich cerbyd yn torri lawr drwy roi gwasanaeth i’ch cerbyd yn rheolaidd.

Dylech hefyd wneud y pethau canlynol:

• gwneud yn siŵr bod digon o wrthrewydd a hylif golchi sgrin yn y car
• edrych am draul ar lafnau sychwyr (newidiwch nhw cyn gynted ag y byddant yn dechrau baeddu’r ffenestri yn hytrach na’u glanhau)
• sicrhau bod eich batri wedi’i wefru yn llawn (mae batris yn para rhwng dwy a phedair blynedd – newidiwch eich batri os nad yw bellach yn ddibynadwy)
• cadw gwasgedd y teiars ar y lefel a argymhellir gan y gwneuthurwr, a sicrhau bod gennych o leiaf 3 milimetr o wadn
• glanhau baw a hylifau sydd wedi cael eu chwistrellu ar eich car oddi ar lampau a sicrhewch fod pob bwlb yn gweithio

Cario pecyn argyfwng

Dylai pecyn sylfaenol gynnwys:

• map
• gwifrau cyswllt (jump leads) ar gyfer batri’r car
• tortsh
• triongl rhybuddio
• crafwr rhew a hylif meirioli (de-icer)
• pecyn cymorth cyntaf
• dillad cynnes

Os ydych chi’n cynllunio taith hir neu os yw rhagolygon y tywydd yn addo tywydd garw, efallai y byddwch am ychwanegu'r pethau canlynol:

• rhaw (os oes posibilrwydd o eira)
• pâr o esgidiau cynnes
• blanced
• unrhyw feddyginiaeth y mae angen i chi ei chymryd yn rheolaidd
• bwyd a fflasg o ddiod boeth

Byddai sbectol haul yn ddefnyddiol hefyd, oherwydd llacharedd yr eira.

Cynllunio eich taith a chael gwybod am gyngor ynghylch y tywydd a theithio

Gofynnwch i’ch hun a oes wirioneddol angen teithio arnoch neu os allwch chi ohirio eich taith nes mae’r tywydd yn gwella.

Os oes yn rhaid i chi deithio, cynlluniwch eich taith yn ofalus.

Cyn cychwyn, gwnewch y canlynol:

• edrychwch ar wybodaeth fyw am draffig ar-lein drwy ddilyn y ddolen isod neu drwy ffonio gwasanaeth gwybodaeth fyw am draffig yr Asiantaeth Priffyrdd ar 08700 660 115 (Lloegr yn unig) – byddwch yn barod i ohirio eich taith neu i newid eich llwybr os bydd angen
• cynlluniwch eich llwybr, gan gynnwys seibiau mewn ardaloedd gwasanaethau os ydych yn mynd ar daith hir ar y draffordd

Wrth i chi deithio, gwnewch y canlynol:

• gwrandewch ar newyddion teithio ac ar ragolygon y tywydd ar radio lleol (os oes gennych chi radio digidol, gwrandewch ar Traffic Radio)
• gallwch gael gwybod am gyflwr y ffordd o’ch blaen drwy ddefnyddio Pwyntiau Gwybodaeth am Draffig yr Asiantaeth Priffyrdd mewn ardaloedd gwasanaethau a lleoliadau eraill
  

• Cynllunio'ch taith

• Cael gwybodaeth am draffig pan fyddwch ar grwydr

• Dod o hyd i ardaloedd gwasanaethau traffordd yn Lloegr

Gyrru addas ar gyfer y tywydd a chyflwr y ffordd

Pellteroedd stopio

Ar ffyrdd llithrig, gall gymryd hyd at ddeg gwaith yn fwy o amser i chi stopio - gyrrwch yn arafach ac yn ofalus, hyd yn oed os yw ffyrdd wedi cael eu graeanu

Pan fydd y tywydd yn arw iawn, dim ond os oes gwir angen gyrru arnoch y dylech wneud hynny – fel arall, efallai y byddai’n well os byddech yn gohirio eich taith nes bydd y tywydd yn gwella.

Hyd yn oed ar ôl i ffyrdd gael eu trin yn y gaeaf, mae’n bosib y bydd yr amgylchiadau gyrru yn parhau i fod yn heriol – yn enwedig os bydd risg uchel o rew. Cofiwch fod rhew yn ffurfio’n fwy rhwydd ar y canlynol:

• ffyrdd bryniog neu agored
• ffyrdd sy’n mynd dros bont neu o dan bont
• ffyrdd sy’n cael eu cysgodi gan goed neu adeiladau

Dechrau sgidio

Os byddwch yn dechrau sgidio:

• gwasgwch y cydiwr (clutch)
• llywiwch i mewn i’r sgid
• wrth i chi sythu, llywiwch yn ôl ar hyd y ffordd

Peidiwch â gadael i’r gaeaf eich gwneud yn yrrwr gwael – edrychwch yn Rheolau'r Ffordd Fawr i gael gwybodaeth ynghylch 'Gyrru pan fydd y tywydd yn wael'. Mae’r adran hon o Reolau’r Ffordd Fawr yn trafod gyrru yn y tywydd canlynol:

• tywydd gwlyb
• tywydd rhewllyd ac eira
• tywydd gwyntog
• niwl
• tywydd poeth

• Gyrru pan fydd y tywydd yn wael (Rheolau'r Ffordd Fawr)

Gallwch hefyd ddarllen cyngor gan yr Asiantaeth Priffyrdd ynghylch gyrru pan fydd y tywydd yn wael.

• Paratoi ar gyfer y gaeaf (cyngor gan yr Asiantaeth Priffyrdd ynghylch gyrru mewn tywydd eithafol) Opens new window

Os aiff pethau o chwith

Ni waeth pa mor ofalus rydych yn cynllunio eich taith, gall pethau fynd o chwith. Gall damwain neu dywydd gwael olygu bod ffordd wedi'i chau am sbel.

Os ydych chi ar ran o draffordd sydd wedi’i chau

Os ydych chi ar ran o draffordd sydd wedi’i chau, arhoswch yn y car a gwrandewch ar newyddion traffig. Mae’r Asiantaeth Priffyrdd yn rhoi'r newyddion diweddaraf i orsafoedd radio lleol. Gallwch ddod o hyd i newyddion traffig drwy bwyso ‘TA’ ar eich radio.

Os ydych chi mewn ciw ar y ffordd

Os ydych chi mewn ciw ar y ffordd, edrychwch ar yr arwyddion negeseuon electronig i gael cyfarwyddiadau a gwybodaeth amser real.

Os oes digwyddiad ar y ffordd

Os oes digwyddiad ar y ffordd sy’n golygu na all traffig symud, bydd Swyddogion Traffig yr Asiantaeth Priffyrdd neu staff yr Uned Cymorth adeg Digwyddiadau yn dod i'r fan i roi cynlluniau argyfwng ar waith. Dylech aros yn y car a dilyn eu cyfarwyddiadau.

• Arwyddion negeseuon electronig

• Swyddogion Traffig yr Asiantaeth Priffyrdd

Dolenni defnyddiol eraill

• Gwybodaeth am y tywydd gan y Swyddfa Dywydd Opens new window

• Beth i'w wneud os bydd eich cerbyd yn torri lawr ar y draffordd

Cysylltiadau defnyddiol

• Yr Adran Drafnidiaeth

• Transport for London (TfL)