Gwefan llywodraeth y DU

Pwy all wneud cais?

Dinasyddiaeth

Gallwch wneud cais am eich pasbort oedolyn cyntaf os ydych yn 16 oed neu'n hŷn ac yn un o'r canlynol:

• Dinesydd Prydeinig
• Dinesydd yn un o diriogaethau tramor Prydain
• Deiliad Prydeinig
• Dinesydd Prydeinig (dramor)
• Unigolyn wedi'i warchod gan Brydain

Gall y rheolau fod yn gymhleth a gallwch weld gwybodaeth fanylach am bob categori yn 'Grwpiau cenedligrwydd sy'n gymwys i gael pasbort Prydeinig'.

Os nad ydych yn siŵr am genedligrwydd a dinasyddiaeth Brydeinig fe gewch fwy o wybodaeth ar wefan Asiantaeth Ffiniau’r DU.

• Grwpiau cenedligrwydd sy'n gymwys i gael pasbort Prydeinig

• Asiantaeth Ffiniau'r DU, gwybodaeth am ddinasyddiaeth Brydeinig Opens new window

Pryd i wneud cais

Os ydych yn gwneud cais am eich basbort oedolyn cyntaf, dylech wneud cais o leiaf chwe wythnos cyn yr ydych am deithio. Ni chewch ddefnyddio’r gwasanaeth wythnos Trac Cyflym na'r gwasanaeth undydd Premiwm. Y rheswm am hyn yw, yn ogystal â llenwi’r ffurflen, bydd angen i chi gael cyfweliad fel rhan o'r broses ymgeisio. Bydd y Gwasanaeth Hunaniaeth a Phasbortau’n cysylltu â chi i drefnu cyfweliad ar ôl iddynt dderbyn a gwirio eich cais.

Os oedd gennych eich pasbort Prydeinig eich hun yn blentyn ni fydd angen i chi fynd i gyfweliad, gan y caiff eich cais ei gyfrif fel cais i adnewyddu.

Pasbort pobl ifanc a phasbort oedolyn

Cais i berson ifanc dros 16 oed

Pan fydd plentyn yn cael ei ben-blwydd yn 16 oed caiff wneud cais am ei basbort oedolyn cyntaf os yw un o'r canlynol yn wir:

• nid yw erioed wedi cael pasbort plentyn
• nid oedd ganddo basbort plentyn ond roedd yn hytrach wedi'i gynnwys ar basbort un o'i rieni

Os oes ganddo basbort plentyn caiff barhau i'w ddefnyddio nes bydd yn dod i ben. Pan fydd angen pasbort newydd arno dylai wneud cais i adnewyddu pasbort oedolyn.

• Adnewyddu neu ymestyn eich pasbort oedolyn

Cais i berson ifanc dan 16 oed

Os ydych yn gwneud cais ar gyfer unigolyn dan 16 oed, dylech wneud cais am basbort plentyn (sy'n ddilys am bum mlynedd). Ond os yw'r plentyn yn debygol o gael ei ben-blwydd yn 16 oed cyn i'r pasbort gyrraedd dylech wneud y canlynol:

• gwneud cais fel petaent yn 16 oed
• anfon y ffi ar gyfer pasbort deg-mlynedd i oedolion i'r Gwasanaeth Hunaniaeth a Phasbortau

• Gwneud cais am pasbort plentyn newydd neu i adnewyddu un

Pobl nad ydynt yn preswylio yn y DU a’r rheini sydd y tu allan y DU dros dro

Os nad ydych yn byw yn y DU, gallwch chi'n bersonol wneud cais i adnewyddu eich pasbort tra byddwch yn ymweld â'r DU.

Ni all y Gwasanaeth Hunaniaeth a Phasbortau dderbyn ceisiadau sydd wedi'u hanfon o dramor. Os ydych chi am adnewyddu neu wneud cais am Basbort Prydeinig eich plentyn tra'ch bod yn byw dramor, rhaid i chi gysylltu â’ch is-genhadaeth, eich uchel gomisiwn neu eich llysgenhadaeth leol.

• Adnewyddu neu wneud cais am basbort os ydych chi dramor neu’n byw y tu allan i’r DU

Y camau nesaf - pasbort oedolyn cyntaf

I gael ffurflen gais, gweld beth yw'r ffi a chael gwybod pa ddogfennau ategol y bydd angen i chi eu darparu, dilynwch y ddolen isod.

• Y ffurflen gais, y ffi a'r dogfennau ategol ar gyfer pasbort oedolyn cyntaf

Gwneud nodyn o rif y cod bar ar eich cais

Sicrhewch eich bod chi’n gwneud nodyn o rif y cod bar ar eich cais cyn i chi anfon eich cais i’r Gwasanaeth Hunaniaeth a Phasbortau drwy’r post. Bydd angen hwn arnoch os ydych am wneud ymholiadau ynghylch eich cais neu ddilyn hynt eich cais.

• Dilyn hynt eich cais am basbort

Cysylltiadau defnyddiol

• Cyngor Teithio'r Swyddfa Dramor

• Gwasanaeth Hunaniaeth a Phasbortau