Gwefan llywodraeth y DU

Faint mae'n gostio i adnewyddu pasbort oedolyn

Cost adnewyddu pasbort 32 tudalen deg-mlynedd oedolyn yw:

• £72.50 am wasanaeth safonol
• £103.00 am y Gwasanaeth wythnos Trac Cyflym
• £128.00 am y gwasanaeth undydd Premiwm

Os cawsoch eich geni ar 2 Medi 1929 neu cyn hynny, cewch eich pasbort am ddim, ond bydd angen i chi dalu'r ffi ychwanegol ar gyfer y gwasanaeth Trac Cyflym neu'r gwasanaeth Premiwm os byddwch yn eu defnyddio.

Gallwch gael gwybodaeth fanwl yn yr adran 'Ffioedd pasbort, faint o amser mae'n gymryd a cheisiadau pasbort brys'.

• Ffioedd pasbort, faint o amser mae'n gymryd a cheisiadau pasbort brys

Y ffurflen gais

Sut i'w chael

Mae pedair ffordd y gallwch gael y ffurflen gais. Gallwch:

• llenwi'r ffurflen gais ar-lein, os felly bydd y Gwasanaeth Hunaniaeth a Phasbortau yn argraffu'r ffurflen wedi'i llenwi ac yn ei hanfon atoch er mwyn i chi ei llofnodi a'i dychwelyd gyda'r dogfennau ategol
• ei chasglu o gangen Swyddfa'r Post sy'n cynnig y gwasanaeth Gwirio ac Anfon
• gofyn am ffurflen gais ar-lein a bydd y Gwasanaeth Hunaniaeth a Phasbortau yn anfon un atoch drwy'r post - gall gymryd hyd at bum diwrnod gwaith i gyrraedd
• ffonio'r Llinell Gymorth Pasbortau 24 awr ar 0300 222 0000 a gofyn i'r Gwasanaeth Hunaniaeth a Phasbortau anfon un atoch drwy'r post - gall gymryd hyd at bum diwrnod gwaith i gyrraedd

• Eglurhad ar y ffurflen gais am basbort ar-lein

• Llenwi'r ffurflen gais ar-lein Opens new window

• Dod o hyd i'ch gwasanaeth Gwirio ac Anfon agosaf Opens new window

• Gofyn am gael ffurflen gais am basbort drwy'r post Opens new window

Pwy ddylai ei llofnodi

Fel arfer, dim ond chi fydd angen ei llofnodi os ydych yn gwneud cais i adnewyddu eich pasbort.

Fodd bynnag, os ydych yn edrych yn wahanol iawn i'r llun yn eich pasbort cyfredol neu'ch pasbort diwethaf, dylech gael rhywun i adlofnodi eich ffurflen yn adran 10.

Mae'n rhaid i'r unigolyn y byddwch yn gofyn iddo adlofnodi fod yn rhywun sydd wedi eich adnabod am o leiaf dwy flynedd. Mae'n rhaid iddynt:

• fod dros 18
• bod â phasbort Prydeinig neu Wyddelig cyfredol
• fod yn fodlon ysgrifennu eu rhif pasbort ar y ffurflen

Dylent fod yn gweithio mewn proffesiwn cydnabyddedig neu fel arall fod ag enw da yn y gymuned. Fe welwch restr o broffesiynau addas drwy ddilyn y ddolen isod i 'Pwy gaiff adlofnodi eich cais?'

Dylech ofyn i'r un person ardystio un o'ch lluniau. Maent yn gwneud hyn drwy ysgrifennu ar gefn y llun:

• 'Tystiaf fod hwn yn dangos gwir debygrwydd i [Miss, Mr, Mrs, Ms neu deitl arall a'ch enw llawn]'

Rhaid iddynt hefyd lofnodi a dyddio'r datganiad.

• Pwy gaiff adlofnodi'ch cais?

Y dogfennau ategol

Ar wahân i'r ffurflen gais wedi'i llenwi a dau lun diweddar union yr un fath ohonoch, yr unig ddogfennau ategol y mae angen i chi eu hanfon yw eich pasbort cyfredol neu'ch pasbort diwethaf.

• Lluniau pasbort a phwy gaiff eu hardystio

Beth fydd yn digwydd i'ch hen basbort?

Bydd y Gwasanaeth Hunaniaeth a Phasbortau yn diddymu eich hen basbort pan roddir un newydd i chi. Ni chewch ddefnyddio'r hen basbort, ond bydd y Gwasanaeth Hunaniaeth a Phasbortau yn ei ddychwelyd atoch oni fydd wedi cael ei ddifetha neu ei newid. Yn yr achosion hyn, caiff ei ddinistrio ac ni chaiff ei ddychwelyd atoch.

Mae'r Gwasanaeth Hunaniaeth a Phasbortau yn eich cynghori i lungopïo'r holl dudalennau perthnasol sy'n dangos stampiau a fisas. Gallai hyn fod yn ddefnyddiol os bydd angen rhai newydd arnoch.

Mwy o ddolenni defnyddiol

• Tabl o ffioedd pasbort, sut mae talu ac ad-daliadau

Cysylltiadau defnyddiol

• Cyngor Teithio'r Swyddfa Dramor

• Gwasanaeth Hunaniaeth a Phasbortau